तिम्रो सिउँदो सिन्दुरले भर्ने कहिले हो ?
तिम्रो बसाई मेरो घरमा सर्ने कहिले हो ?
तिम्रो घर पल्तिरको त्यो खहरे खोला |
एकअर्काको हात समाई तर्ने कहिले हो ?
गुलाफ फुल फुलाउदै घरपछाडि बगैचामा |
संगै बसी मनको कुरा गर्ने कहिले हो ?
तिम्रो छोरा मेरो छोरी भन्दै कल्पनामा |
प्रेमरूपी मायाको बिउ छर्ने कहिले हो ?
तिमीलाई एक्लै छोडी धन कमाउन विदेशीदा |
कहिले आउँछौ भन्दै तिमीले कुर्ने कहिले हो ?
परिश्रम गर्दागर्दै थाकेको प्रदेशबाट |
पैसा बोकी आफ्नै स्वदेश फिर्ने कहिले हो ?
आफ्नो डायरीबाट साभार २०६९-०५-०२
0 Comments:
Post a Comment